# ‘n Sewe-en-dertigjarige beskuldigde wat verbind word met die beweerde plundering van 635-miljoen-rand in die Tembisa-hospitaal in Gauteng, is borgtog van 200-duisend-rand toegestaan in die Handelsmisdaadhof in Palm Ridge. Stefan Govindraju is Vrydag op die OR Tambo Internasionale Lughawe in hegtenis geneem nadat hy van die buiteland teruggekeer het. Hy staan tereg op aanklag van geldwassery, bedrog en korrupsie. Die Spesiale Ondersoekeenheid beweer Govindraju en twee ander sakemanne, Hangwani Maumela en Rudolph Mazibuko, het meer as twee-miljard-rand geplunder. Hulle het na bewering bestellings van aankope verdeel om verkrygingsdrempels te omseil.
Beskuldigde in Tembisa-hospitaal-plunderingsaak vrygelaat op borgtog van R200 000