# Australië se minister van Binnelandse Sake, Tony Burke, het bevestig die Amerikaanse kletsrymer Kanye West se visum is gekanselleer oor ‘n snit wat Naziïsme bevorder. Die liedjie “Heil Hitler” loof die Nazi-leier Adolf Hitler. Dis in Meimaand op sosiale media en musiek-stroomplatforms vrygestel. Die onttrekking van die visum volg op West se reeks anti-semitiese plasings op X, insluitend een wat sê “ek is lief vir Hitler.” Burke sê hoewel die vroeëre kommentaar nie sy visumstatus beïnvloed het nie, is dit heroorweeg na die vrystelling van die snit.
Australië kanselleer Kanye West se visum oor Nazi-liedjie