# Die adjunkminister van Finansies, David Masondo, sê Suid-Afrika se verwydering van die Finansiële Aksietaakmag se gryslys beteken nie dat elke swakheid in die stelsel opgelos is nie. Hy sê dit is hoekom die regering tans nasionale evaluerings doen van die risiko’s rondom geldwassery en terrorismefinansiering. Suid-Afrika is verlede jaar van die gryslys verwyder nadat die land sy verbeterde vermoë gedemonstreer het om geldwassery en terrorismefinansiering te bestry. Masondo sê die land moet voortgaan om te wys dat hy finansiële misdade opspoor, ondersoek en die skuldiges vervolg.
Adjunkminister Masondo sê SA moet steeds swakpunte in sy finansiële stelsel oplos na gryslys-verwydering