# ActionSA vra die minister van Finansies, Enoch Godongwana, om die brandstofheffing dringend te hersien en te verlaag namate brandstofpryse en lewenskoste styg. Woordvoerder Alan Beesley sê hoër brandstofpryse verhoog vervoerkoste, dus vermeerder voedselpryse en basiese dienste terwyl klein ondernemings en huishoudelike begrotings onder druk is. Hy sê die Inkomstediens het in 2025/26 ‘n netto-inkomste van net meer as twee-duisend-miljard-rand ingesamel, 24,7-miljard-rand meer as die verwagte bedrag, wat die weg baan vir tydelike verligting. ActionSA sê die maatreël kan help om druk op huishoudings en sukkelende ondernemings te verlig.
ActionSA vra brandstofheffing-verlaging namate pryse styg