# Die minister van Handel, Nywerheid en Mededinging, Parks Tau, sê hy het Amerika versoek om bewyse te lewer dat Suid-Afrika goedere invoer wat deur dwangarbeid gemaak is. Amerika se handelsverteenwoordiger, Jamieson Greer, het 60 lande geïdentifiseer wat vermoedelik skuldig is aan onregverdige handelspraktyke en die gebruik van dwangarbeid. Dit sluit Suid-Afrika, Kanada, Australië en die Verenigde Koninkryk in. In ʼn geskrewe antwoord op ʼn parlementêre vraag van die MK-party het Tau volgehou dat die ondersoek niks te doen het met Suid-Afrika se deelname aan die Wet op Groei en Geleenthede in Afrika nie.
Minister Tau sê Amerika moet bewys lewer in ondersoek na onregverdige handelspraktyke en dwangarbeid