# Bedryfskenners sê strategiese verkryging en hernubare energie kan help om Suid-Afrika se sukkelende vervaardigingsektor te laat herleef. Ontleders het tydens ‘n paneelbespreking van Creamer Media gewaarsku vervaardigers werk onder hul vermoë weens swak vraag, hoë elektrisiteitskoste en swak infrastruktuur. Kenners sê meer staatsverkryging in energie- en spoorwegprojekte kan plaaslike produksie ‘n hupstoot gee. Hulle sê ontkoling en hernubare energie is noodsaaklik om koste te verlaag, mededingendheid te verbeter en vervaardigers te help voldoen aan groeiende internasionale omgewingstandaarde.
Kenners beklemtoon hernubare energie is sleutel tot herlewing van vervaardiging