# ActionSA beskuldig Gauteng se LUR vir Samewerkende Regering en Tradisionele Sake, Jacob Mamabolo, dat hy ‘n toesmeerdery in die Emfuleni-plaaslike munisipaliteit se motorverkrygingskandaal van 16-miljoen-rand moontlik gemaak het. Mongezi Ntsebenzo van die party sê die munisipaliteit het na bewering vir 17 voertuie betaal, maar slegs ses ontvang, met een wat later verdwyn het. Action SA kritiseer ‘n kopieer-en-plak-reaksie van die munisipale bestuurder en sê interne prosesse word gebruik om aanspreeklikheid te vertraag. ActionSA eis dringende toesighoudende optrede, ‘n strafregtelike ondersoek en die terugvordering van wanbestede openbare fondse.
ActionSA vra strafregtelike optrede in die Emfuleni R16-miljoen-motorverkrygingsaak