Spesiale Tribunaal veroordeel bedrieglike loterytoekenning van R14-miljoen aan Madumelani-gemeenskapsprojek

# Die Spesiale Tribunaal het ‘n toekenning van 14-miljoen-rand deur die Nasionale Loterykommissie aan die Madumelani-gemeenskapsprojek in Hammanskraal onwettig en ongeldig verklaar. Die uitspraak volg op ‘n suksesvolle saak deur die Spesiale Ondersoekeenheid, waar Regter Margaret Victor begunstigdes gelas het om die volle bedrag terug te betaal. Die tribunaal het bevind die befondsing is bedrieglik verkry deur middel van vervalste dokumente en die misbruik van fondse. Die Spesiale Ondersoekeenheid sê sekere aspekte van die saak is na die Nasionale Vervolgingsgesag verwys vir verdere ondersoek.