# Die minister van Openbare Werke en Infrastruktuur, Dean Macpherson, het by die Groenboukonvensie in Kaapstad aangekondig dat sy departement amptelik by die Groenbouraad van Suid-Afrika aangesluit het. Macpherson sê sy departement sal Groenster-sertifisering vir nuwe en bestaande geboue nastreef. Daarbenewens sal sy departement personeel as groen professionele beamptes oplei en ‘n verslag oor die toestand van Openbare Werke se groenbou, publiseer. Hy het gesê volhoubare infrastruktuur sal ekonomiese groei dryf en blywende gemeenskapswaarde skep.
Openbare Werke sluit aan by Groenbouraad om volhoubare infrastruktuur te bevorder