# Die voormalige minister van Openbare Ondernemings, Malusi Gigaba, het homself aan die Pretoriase polisie oorgegee in verband met voortgesette ondersoeke na korrupsie by Transnet. Gigaba was tussen 2010 en 2014 minister van Openbare Ondernemings. Dit was ‘n tydperk waartydens die berugte Gupta-familie en hul medewerkers na bewering beduidende invloed uitgeoefen het op groot Transnet-kontrakte, insluitend ‘n lokomotief-transaksie van 54-miljard-rand. Gigaba sê hy het volle vertroue in die howe, want hulle is die forum waar feite seëvier en nie fiksie nie.
Oudminister Malusi Gigaba gee hom oor aan die polisie