# Die Departement van Minerale en Petroleumbronne het veranderings aan brandstofpryse aangekondig vanaf middernag. Die dieselprys daal met tussen agt- en tien-sent per liter, maar die prys van 95-oktaan petrol styg met agt-sent en 93-oktaan petrol met een-sent. Die kleinhandelprys van lampolie sal met 15-sent per liter daal en vloeibare gas met 17-sent per kilogram. Die minister het ‘n verhoging van ses-sent per liter in die kleinhandelmarge van petrol goedgekeur. Dit is nodig om voorsiening te maak vir die loonverhogings van pompjoggies, kassiere en administratiewe personeel by vulstasies.
Diesel daal, maar petrolprys styg na aanpassing in kleinhandelmarge