Nog beheerde brande verwag as deel van die Katrivier uitheemse plantegroeibestuursprojek [KLANK]

# Die George Munisipaliteit in die Wes-Kaap sê pogings om uitheemse plantegroei in die Katrivier- en Bo-Katrivier-opvanggebiede te bestuur, duur voort. As deel van hierdie pogings het die munisipaliteit onlangs ‘n beheerde brand noord van die Denneoord-waterwerke uitgevoer. Die munisipaliteit se woordvoerder, Chantel Edwards-Klose, sê die brande help om brandbare dooie blare, boomtakke en ander puin, te verminder, waardeur die vinnige verspreiding van veldbrande voorkom word.