Tax Justice SA waarsku oor agteruitgang van sekuriteit nadat Weermag-soldate in onwettige-sigaretskandaal aangekeer is

# Tax Justice South Africa waarsku dat die inhegtenisneming van vyf Weermag-lede wat daarvan beskuldig word dat hulle saamgesweer het om onwettige sigarette te steel, dui op diep-gewortelde korrupsie op Suid-Afrika se grense. Die soldate, en twee Zimbabwiese burgers, is naby die Limpoporivier aangekeer en verskyn vandag in die Musina-landdroshof op aanklagte wat korrupsie en die besit van onwettige sigarette insluit. Die stigter, Yusuf Abramjee, sê, wanneer soldate daarvan beskuldig word dat hulle smokkelgoedere in hulle eie kampe wegsteek, is dit ‘n aanduiding dat georganiseerde misdaad reeds die weermag binnegedring het.