# Die Stad Kaapstad sê sy Produktiwiteits- en Bevoegdheidsprogram het sedert sy begin net meer as twee jaar gelede, 28 sakeondernemings ondersteun en 776 werksgeleenthede gered. Die program staan klein, medium en mikro-ondernemings by wat in nood is of leiding nodig het oor die verbetering van hul werksaamhede. Die ondernemings word beoordeel en kry dan ‘n volledige sakeplan oor hoe om produktiwiteit en vaardighede te verfyn. Die burgemeesterskomiteelid vir Ekonomiese Groei, James Vos, sê om te kwalifiseer, moet ondernemings tussen 15 en 100 werknemers in diens hê.
Meer as 700 werksgeleenthede gered deur Kaapstad se Produktiwiteits- en Bevoegdheidsprogram