# Die vakbondfederasie Fedusa het die Passasierspooragentskap van Suid-Afrika veroordeel vir sy weiering om die 2025/26-salaris-ooreenkoms met die vakbonde Satawu en Untu na te kom. Prasa weier weens finansiële probleme om voort te gaan met die ooreenkoms vir ‘n verhoging van 5,5-persent, wat van die einde van hierdie maand geld. Fedusa sê hy is woedend omdat Prasa die wettige ooreenkoms eensydig wil veronagsaam nadat dit te goeder trou onderteken is onder die leiding van die Kommissie vir Versoening, Bemiddeling en Arbitrasie.
Fedusa veroordeel Prasa se weiering om loonooreenkoms na te kom