# Die Landdroshof in die Paarl, Wes-Kaap, het die voormalige Springbok, Schalk Burger en sy seun, Christiaan, skuldig bevind en beboet omdat hulle nie belastingopgawes ingedien het nie. Dit sluit Burger se maatskappy, Welbedacht Wyne in. Burger is beboet met 56-duisend-rand of 112 maande tronkstraf wat vir 56 maande opgeskort is. Sy seun is beboet met 48-duisend-rand of agt jaar tronkstraf wat vir vier jaar opgeskort is. Eric Ntabazalila van die Nasionale Vervolgingsgesag sê die saak bewys dat diegene wat nie belastingopgawes indien nie, nie sal wegkom nie.