# Suid-Afrika herdenk die aanvaarding van die Vryheidsmanifes 70-jaar gelede, maar belangrike erfenisterreine wat aan die gebeurtenis gekoppel is, val uitmekaar. Die eertydse huis van Zack Matthews en die graf van hoofman Tyali in Alice in die Oos-Kaap, word volgens berigte erg verwaarloos. Matthews het ‘n belangrike rol gespeel in die vorming van die manifes, met ‘n visie vir ‘n vrye en demokratiese Suid-Afrika. Die Oos-Kaapse premier, Oscar Mabuyane, sê deel van die planne om toerisme te bevorder is om die terreine te herstel, maar die proses vereis regeringsgoedkeuring.
Erfenisterreine van die Vryheidsmanifes erg verwaarloos in die Oos-Kaap