# Die regering het die gewelddadige betogings by die Mthatha-kampus van die Walter Sisulu Universiteit in die Oos-Kaap sterk veroordeel, nadat borgtog toegestaan is aan ‘n waarnemende koshuisbestuurder, Manelisi Mampana, wat aangekla is vir ‘n student se skietdood. Betogers het die N2-snelweg versper met brandende bande, dienste ontwrig en lewens in gevaar gestel. Die regering ondersteun die reg om te betoog maar versoek studente om vreedsaam betrokke te raak. Owerhede doen ‘n beroep op studenteleiers en -bestuur om die kalmte te herstel en die oppergesag van die reg te handhaaf.
Regering veroordeel geweld by Mthatha-kampus van Walter Sisulu Universiteit