Minister Tau kondig Sizekhaya Holdings as nuwe loterye lisensiehouer aan

# Die minister van Handel, Nywerheid en Mededinging, Parks Tau, het aangekondig dat die vierde nasionale lotery- en sportweddenskaplisensie toegeken is aan Sizekhaya Holdings. Dit volg nadat die onderhandelinge met die Nasionale Loterykommissie suksesvol afgehandel is. Die departement soek regsadvies om teen ‘n onlangse uitspraak van die Hooggeregshof in Pretoria oor die saak te appelleer. Die woordvoerder van die ministerie, Yamkela Fanisi, hoop dat die nuwe operateur die lotery sal laat groei en ondersteuning vir behoeftige mense vergroot.