# Eskom se uitvoerende hoof, Dan Marokane, sê hulle aanvaar nou Tesourie se munisipale skuldverligtingsplan het misluk. Volgens die plan sou munisipaliteite se skuld oor drie jaar afgeskryf word indien hulle streng voorwaardes nakom. Van die munisipaliteite wat vir deelname goedgekeur is, het 14 die eerste afskrywing van altesaam 3,5-miljard-rand gehaal, terwyl 60 briewe van nienakoming ontvang het. Munisipaliteite se Eskom-skuld het tot byna 100-miljard-rand gestyg. Marokane sê Tesourie moet toelaat dat Eskom die munisipaliteite wat nie betaal nie, se elektrisiteitsdienste oorneem.
Eskom-hoof sê munisipale skuldverligtingsplan het misluk