# Die MK Party vra vir ‘n nasionale sluiting uit protes teen die regering se onlangse BTW-verhoging. Die party veroordeel die 0,5-persent verhoging, en beskryf dit as ‘n aanval op die swart armes, die werkersklas, en kleinbesighede wat reeds sukkel met hoë voedselpryse, werkloosheid en stygende elektrisiteitskoste. MK party woordvoerder Nhlamulo Ndhlela het president Cyril Ramaphosa gekritiseer dat hy alternatiewe soos die versterking van die Suid-Afrikaanse Inkomstediens en die instelling van ‘n rykdombelasting ignoreer.