# Die Amerikaanse ambassadeur in Suid-Afrika, Leo Bozell, het die minister van Internasionale Betrekkinge en Samewerking, Ronald Lamola, beskuldig dat hy hom beledig het. Hy sê die Suid-Afrikaanse regering wonder gevolglik waarom betrekkinge verbrokkel. In ‘n gesprek met die Sunday Times het die minister gesê hy was geskok deur Bozell se opmerking dat die tyd vir praat verby is. Hy sê dialoog is die grondslag van ‘n diplomaat se rol. Lamola sê as Bozell moeg is daarvoor om te praat, moet hy liewer vertrek. Hy het die ambassadeur van ondiplomatieke gedrag beskuldig. Dit volg op die derde amptelike protes teen Bozell verlede week.
Amerikaanse ambassadeur in SA, Bozell, sê minister Lamola het hom beledig