# Die Oos-Kaapse premier Oscar Mabuyane het toestemming ontvang om te appelleer teen ʼn Hooggeregshof-bevel in die lastersaak teen EFF-leier Julius Malema. Die kwessie spruit uit Malema se verklaring dat Mabuyane ʼn meestersgraad van die Universiteit van Fort Hare “gesteel” het. Die premier sê die verklaring impliseer bedrog, oneerlikheid en misdadige gedrag. Mabuyane se dringende hofaansoek om Malema te verbied om lasterlike uitsprake te maak, is in Junie verwerp. Mabuyane sê hy verwelkom dit dat die saak in die Appèlhof aangehoor gaan word.
Premier Mabuyane mag appelleer in lastersaak teen Malema