Ekonomie krimp met 0,2% in tweede kwartaal [KLANK]

# Suid-Afrika se ekonomie het tussen April en Junie met 0,2-persent gekrimp na ses agtereenvolgende kwartale van groei. Statistiek Suid-Afrika se jongste bruto binnelandse produksyfers toon die mynbou-, handels- en vervaardigingsektore was die grootste rem op ekonomiese bedrywighede. Statistikus-generaal Risenga Maluleke sê mynbou het met drie-persent afgeneem, handel met 1,9-persent en vervaardiging met 1,8-persent. Hy sê vervoer en kommunikasie het egter met 0,9-persent gegroei, terwyl die bou- en landbousektore ook gegroei het: