# Die Herwinningsvereniging van Suid-Afrika vra dat die prysvoorkeurstelsel vir die uitvoer van skrootmetaal opgeskort word. Die vereniging sê die beleid dwing herwinnings-ondernemings om skroot teen ‘n afslag van 30-persent aan plaaslike staalmeulens te verkoop, terwyl staalinvoere toeneem. Die organisasie sê die invoer van staalprodukte het in Julie met 36-persent gestyg vergeleke met ‘n jaar tevore, met Zimbabwe wat baie halfverwerkte staal, draadstaaf en bewapeningstaal voorsien. Die vereniging vra ‘n onafhanklike hersiening en ondersoek na die uitwerking van die beleid.
Herwinningsvereniging vra opskorting van beleid oor skrootstaal