# ‘n Binnehuisversierder Nomsa Shabangu, het in die Hooggeregshof in Pretoria getuig dat die voormalige minister van Verdediging, Nosiviwe Mapisa-Nqakula, se huis in Bruma ingrypende luukse opknappings ondergaan het. Dit sluit in plafonne met bladgoud-afwerking, ondervloerse verhitting en spesiaal vervaardigde huisversierings. Shabangu het getuig sy het oor die jare sowat 1,7-miljoen-rand kontant vir die opknappings en meubels ontvang. Die staat beweer dit is befonds met korrupsie-opbrengste. Mapisa-Nqakula het onskuldig gepleit op 12 aanklagte van korrupsie en een van geldwassery. Die verhoor duur voort.
Getuie in hof beskryf luukse opknappings aan Mapisa-Nqakula se woning