# Die gewese hoof van die Suid-Afrikaanse Passasierspooragentskap, Lucky Montana, beskryf die Spesiale Ondersoekeenheid se tussentydse bevel teen hom as “onsinnig”. Die Spesiale Tribunaal het ʼn tussentydse bewaringsbevel aan die eenheid toegestaan om twee van Montana se eiendomme van meer as 15-miljoen-rand te vries. ʼn Ondersoek het ʼn geld-spoor ontbloot wat die eiendomme verbind met PRASA se omstrede 5,6-miljard-rand tender vir ʼn geïntegreerde sekuriteitstoegang-bestuurstelsel. Montana staan die tussentydse bevel teen en beskuldig ondersoekbeamptes en wetstoepassingsagentskappe dat hulle sedert 2016 polities gemotiveerde sake teen hom voer.
Montana gaan tussentydse bevel om twee van sy eiendomme te bevries, teenstaan