Tony Leon sê hy het nie persoonlik enige ontmoeting tussen minister Malatsi en Starlink versoek nie [KLANK]

# Voormalige DA-leier, Tony Leon, ontken alle bewerings dat sy skakel-firma, Resolve Communications, enige onbehoorlike politieke invloed in die regering van nasionale eenheid het. Dit volg na bewerings dat DA-ministers deur Leon beïnvloed word om met verteenwoordigers van Elon Musk se Starlink te vergader. Leon het tydens ʼn onderhoud met News24 verklaar dat hy persoonlik nie enige ontmoetings tussen die minister van Kommunikasie en Digitale Tegnologieë, Solly Malatsi, en Starlink aangevra het nie. Hy sê sy maatskappy het wettig en deursigtig opgetree: