# Oekraïne se president, Volodimir Zelensky, waarsku lugrederye en passasiers om die Russiese lugruim te vermy en sê dit word al onveiliger. Kiëf het sy lugruim vir burgerlike vliegtuie gesluit toe die oorlog begin het. Lugrederye van China, Turkye en die Golf-state is onder dié wat die Russiese lugruim gebruik. Zelensky sê sy land gaan hommeltuigaanvalle teen Moskou verskerp, maar hou vol dis nie ʼn dreigement teen burgerlugvaart nie. Rusland se president, Vladimir Putin, het daarop gesê Zelensky se opmerkings kom neer op ʼn verklaring van staatsterrorisme.
Zelensky waarsku Russiese lugruim raak gevaarlik