UDM sê 70ste herdenking van Vryheidsmanifes bied ‘n oomblik vir herverbintenis

# Die UDM sê die 70ste herdenking van die Vryheidsmanifes bied ‘n oomblik vir besinning en herverbintenis. Die Vryheidsmanifes is in 1955 in Kliptown aanvaar en het die hoop van ‘n volk onder beleg verwoord. Die UDM-leier Bantu Holomisa sê sedertdien is die manifes in die steek gelaat weens korrupsie, mislukte leierskap en ‘n regering wat afgesonder is van sy mense. Hy vra etiese, mense-gedrewe leierskap en hernude toewyding aan die bou van ‘n regverdige, gelyke Suid-Afrika soos dit in die manifes uitgespel word.