# Die Stad Tshwane sê sy Elektrisiteit- en Energie-sake-eenheid maak vordering met die uitskakeling van diensonderbrekings deur problematiese elektrisiteitsnetwerke te stabiliseer. Die metro sê opgraderings is aan die laespanningnetwerke in Proklamasieheuwel en Fortsig in Streek 3 gedoen om kragonderbrekings te verminder. Die burgemeesterskomiteelid vir Nutsdienste, Frans Boshielo, sê hulle gaan voort met werk om te verseker dat inwoners en nywerhede minder deur kragonderbrekings lastig geval word, wat vermy kan word deur gereelde instandhouding.
Tshwane vorder met uitskakeling van probleme met kragnetwerke