# Die Stad Tshwane sê hy is verbind tot verdere beraadslaging met grondeienaars om ʼn blywende oplossing te vind om stukke grond in die metro te formaliseer. Die metro het 17 informele townships en meer as 500 informele nedersettings geïdentifiseer op privaat, munisipale of nasionale staatsgrond wat weens die eienaarskap nie geformaliseer kan word nie. Die burgemeesterskomiteelid vir Behuising en Menslike Nedersettings, Aaron Maluleka, sê die proses kan slegs afgehandel word nadat die verkryging van grond en die township-vestigingsproses afgehandel is.