# Die Stad Tshwane se Departement van Menslike Nedersettings het besluit om die getal dae wat mobiele watertenkwaens dienste in 168 informele nedersettings lewer, van sewe tot vier dae per week te verminder. Dit word toegeskryf aan finansiële en begrotingsoorwegings vir die 2025/26-boekjaar. Die burgemeesterskomiteelid vir Behuising en Menslike Nedersettings, Aaron Maluleka, sê watervoorsiening wat 98 diensverskaffers met 279 watertenkwaens in informele nedersettings lewer, sal tot verdere kennisgewing Maandae, Woensdae, Vrydae en Saterdae beskikbaar wees.
Tshwane hersien program vir basiese waterdienste in informele nedersettings