# Die Stad Tshwane het ‘n strategiese vennootskap met Harambee Youth Employment Accelerator gesluit om jeugwerkloosheid deur middel van sy Ithuba-program aan te pak. Die vennootskap sal Harambee se jeugondersteuning en kontaksentrumstelsels gebruik om werk- en opleidingsgeleenthede aan jongmense te bied. Tshwane beoog om oor drie jaar 30-duisend ekonomiese geleenthede deur middel van werkgereedheid, werkgeleenthede, vaardigheidsontwikkeling en entrepreneurskap te skep. Die stad sê meer as eenduisend-500 jongmense het reeds voordeel getrek uit Ithuba-vennote, met verdere samewerking wat verwag word.
Tshwane, Harambee pak jeugwerkloosheid saam aan