# Transnet se uitvoerende hoof, Michelle Phillips, sê die staatsbeheerde logistieke maatskappy is besig met die verskerping van verkrygingsbeheer om te verhoed dat te veel vir goedere en dienste betaal word. Sy het tydens die SAPICS 2026-konferensie in Kaapstad gesê sewe maatskappye is op die swartlys geplaas en verskeie werknemers afgedank weens korrupsie. Phillips sê Transnet sal slegs markverwante pryse betaal namate nuwe stelsels ingestel word om bedrog te bekamp. Sy het ook onthul dat Transnet oor vyf jaar 129,1-miljard-rand gaan belê terwyl sekerheidsmaatreëls teen diefstal en sabotasie versterk word.
Transnet verskerp stappe teen buitensporige pryse en korrupsie