# Tennis: Die Miami Ope-kampioen, Jakub Mensik, het byna nie in die toernooi gespeel nie. Die 19-jarige Tsjeg wou die toernooi-skeidsregter inlig hy kan nie sy eerste wedstryd teen die Spanjaard Roberto Bautista Agut speel nie weens inflammasie in die knie. Die skeidsregter was egter op middagete en Mensik is na sy fisioterapeut, wat hom ander pynpille voorgeskryf het. Hy het daarna sy eerste wedstryd en uiteindelik die titel gewen. Mensik se algehele prysgeld het nou opgeskiet na 55,6-miljoen-rand, en sy posisie op die wêreldranglys van 54ste na 24ste.
Tennis: Miami Ope-kampioen het byna nie in toernooi gespeel nie