# Tennis: Die voormalige wêreld-nommer-een, Daniil Medvedev, het die Amerikaner, Tommy Paul, in drie stelle geklop om die Sjanghai Meesters se halfeindronde te haal. Die vyfde gekeurde Rus het herstel na ʼn terugslag in die tweede stel, en na 16 kishoue koning gekraai. Die 2019-kampioen kom teen die opkomende Spaanse ster, Rafael Jódar, te staan wat in drie stelle met Casper Ruud van Noorweë afgereken het. Die 20-jarige Spanjaard is die jongste halfeind-deelnemer in die Sjanghai Meesters se geskiedenis. Topgekeurde Alexander Zverev en Alejandro Davidovich Fokina spook sake uit in vandag se ander halfeindwedstryd.
Tennis: Medvedev klop Paul en dring deur na Sjanghai-halfeindronde