# Die Stad Johannesburg se Vervoerdepartement het die staking van Rea Vaya Fase 1B-busse met onmiddellike ingang opgehef. Dit volg nadat ‘n ooreenkoms gisteraand met die busbedryfsmaatskappy bereik is. Pendelaars op die Soweto-, Parktown- en Braamfontein-roetes het gesukkel met alternatiewe vervoer ná ‘n vertraging in betalings aan die busbedryfsmaatskappy weens die metro se begrotingsaanpassingsproses. Die metro sê die bedoeling was nie om pendelaars gestrand te laat nie, maar om ‘n gepaste oplossing te vind sodat busbedrywighede sonder onderbrekings kan hervat.
Stad Johannesburg hef staking van Rea Vaya Fase 1B-busse op