# Sokker: Spanje het bevestig dat die Manchester City-middelveldspeler, Rodri Hernandez, nie by hulle sal aansluit vir die opkomende kwalifiseringswedstryde vir die Wêreldbeker nie omdat hy ‘n dyspier-besering opgedoen het. Hy sal die wedstryde teen Georgië op die 11de en Bulgarye op die 14de Oktober misloop. Die 29-jarige is in die 21ste minuut van City se Premierliga-oorwinning, Sondag teen Brentford vervang. Hy het na die wedstryd bevestig dat hy pyn verduur. Spanje het nie gesê of hulle ‘n speler in die plek van die wenner van die 2024 Ballon d’Or sal oproep nie.
Sokker: Rodri uit Spaanse groep weens ‘n besering