# Sokker: Afrigter Ruben Amorim het beklemtoon dat hy Manchester United se kaptein, Bruno Fernandes, wil behou, ondanks belangstelling uit Saoedi-Arabië. Amorim het die Portugese internasionale speler as een van die wêreld se topspelers beskryf. Die 30-jarige spelskepper het twee doele aangeteken in verlede week se sege van 3-0 oor Athletic Bilboa in die eerste wedstryd van hulle Europaliga-halfeindstryd. Die aanloop tot vandag se tweede wedstryd in Manchester is oorheers deur gerugte dat die Saoediese klub Al-Hilal ’n groot finansiële aanbod vir Fernandes beplan.
Sokker: Amorim wil Bruno Fernandes by Manchester United hou