# Die Spesiale Ondersoekeenheid het ‘n groot saak van bedrog in Ekurhuleni ontbloot oor die onwettige verkoop van 221 munisipale eiendomme in Villa Liza, ter waarde van ongeveer 58-miljoen-rand. News24 berig meer as 200 sake is vir verdere ondersoek na die Nasionale Vervolgingsgesag verwys, met bykomende verwysings na die Regspraktykraad, die Suid-Afrikaanse Inkomstediens en die Finansiële Intelligensiesentrum. Die Spesiale Ondersoekeenheid sê die eiendomme is tussen 2019 en 2024 oorgedra sonder munisipale goedkeuring, en met vals dokumente.
SOE wys op sistemiese mislukkings in Ekurhuleni se grondadministrasie ná bedrog van R58-miljoen