# Suid-Afrika het ‘n lening van 8,4-miljard-rand van die Afrika-ontwikkelingsbank ontvang om billike energie-oordrag te ondersteun. Die Nasionale Tesourie sê die 15-jaar-ooreenkoms met ‘n driejaar-grasietydperk sal infrastruktuur-volhoubaarheid, energie-doeltreffendheid en ontkoling bevorder. Die befondsing vorm deel van die derde Ontwikkelingsbeleidsoperasie, met die ondersteuning van internasionale vennote soos die Wêreldbank en KFW-ontwikkelingsbank. Die Tesourie sê dis ‘n belangrike stap vir strukturele hervorming, werkskepping en inklusiewe groei in die energie- en vervoersektore.