# ‘n Olieraffinadery in die suidweste van Rusland het werksaamhede tydelik gestaak nadat dit in ‘n hommeltuigaanval beskadig is. Die goewerneur van die Rostof-streek, Yuri Slyusar, sê Russiese lugverdedigingseenhede het oornag sowat 50 hommeltuie oor die streek vernietig. Daar was geen ongevalle in die raffinadery nie. Die aanval volg te midde van ‘n reeks Oekraïense hommeltuigaanvalle op Russiese nywerheids- en energie-aanlegte. Die Russiese Ministerie van Verdediging sê sy lugverdediging het oornag 592 hommeltuie oor verskeie streke vernietig. Oekraïne het nie onmiddellik kommentaar gelewer nie.
Russiese olieraffinadery staak werksaamhede na hommeltuigaanval