# Rugby: Die Stormers het danksy ‘n laat drie deur skrumskakel Stefan Ungerer Vrydagaand die verdedigende kampioene Griekwas met 25-19 geklop in ‘n Curriebeker Premierliga-wedstryd in Kaapstad. Die Stormers was met rustyd 8-12 agter, maar het in die tweede helfte teruggeveg. Vernon Paulo, Mfundo Ndhlovu en Stefan Ungerer het die tuisspan se drieë aangeteken, met twee doelskoppe en ‘n strafskop deur Dominic Malgas en nog ‘n strafskop deur Jean-Luc du Plessis. Sako Makata, Lourens Oosthuizen en Tiaan Lange het vir die Griekwas oorgeduik met George Whitehead wat met twee doelskoppe geslaag het.
Rugby: Stormers behaal oorwinning oor Griekwas