# Rugby: Die Junior Springbokke het hul Onder 20-Rugbykampioenskapveldtog op ʼn wen-noot afgeskop toe hulle Argentinië in die Baai met 48-21 verslaan het. ʼn Skitterende vertoning in die eerste helfte het die gashere ʼn voorsprong van 36-0 verseker. Argentinië het in die tweede helfte teruggeveg, maar dit was tevergeefs en die Junior Bokke het ʼn bonuspunt-oorwinning beklink. In die ander wedstryd het die verdedigende kampioene, Nieu-Seeland, ʼn welverdiende 34-29-oorwinning oor Australië behaal. Die spanne is Sondag weer in aksie wanneer Suid-Afrika en Australië mekaar takel terwyl Nieu-Seeland en Argentinië sake sal uitspook.
Rugby: Junior Bokke skop O.20-Rugbykampioenskap met ’n oorwinning af