Tshwane-polisie sit hul misdaadvoorkomingsprojek voort en arresteer bykans 300 [KLANK]

# Tshwane-polisie het hul misdaadvoorkomingsprojekte deur Operasie Shanela die naweek in Atteridgeville en Erasmia voortgesit. Dit het gelei tot die inhegtenisneming van 290 verdagtes vir misdade soos moord, verkragting, gewapende roof en aanranding met die doel om ernstig te beseer. Polisiewoordvoerder, Johan van Dyk, sê 24 geïdentifiseerde persele en misdaadbrandpunte is deursoek en gepatrolleer. Een persoon is vasgetrek vir dwelmbesit en daar is beslag gelê op twee sakkies metamfetamien: