# Rugby: Die Wallabies sowel as die Britse en Ierse Leeus het beserings-terugslae ondervind voor Saterdag se laaste toets in Sydney. Die gashere sal moet klaarkom sonder die veteraan-stut, Allan Alaalatoa, wat sy skouer beseer het in die tweede toets in Melbourne. Die Leeus-senter Garry Ringrose sal ook die laaste toets misloop nadat ‘n kopbesering hom uit die vorige twee gehou het. Die besoekers het reeds die reeks beklink deur die eerste twee wedstryde te wen, maar hoofafrigter Andy Farrell sê hulle wil skoonskip maak.
Rugby: Beseringterugslae vir Wallabies, Leeus voor laaste toets in Sydney