# Rhodes-universiteit sê gesprekke met sy studenteraad het beduidende vordering gemaak oor die 2027-protokol vir die betaling van studentegelde vir 2027. Die visekanselier Sizwe Mabizela het gesê daar is ná gister se samesprekings ooreenstemming oor sekere aspekte bereik en verskeie toegewings is gemaak. Mabizela het beklemtoon sinvolle gesprekvoering het gehelp om praktiese oplossings te identifiseer, terwyl die instelling se finansiële volhoubaarheid beskerm word. Die universiteit sal nou die betalingsprotokol vir 2027 hersien en aanbevelings aan sy Raad vir goedkeuring voorlê.
Rhodes-universiteit maak beduidende vordering oor studentegelde