# President Cyril Ramaphosa vra pasverkose raadslede om voorkeur te gee aan dienslewering, om verby politieke verskille te werk en openbare vertroue in plaaslike regering te herstel. Hy sê in sy weeklikse nuusbrief inkomende raadslede het ʼn belangrike rol om plaaslike regering te hervorm volgens die Witskrif vir dié spesifieke regeringsvlak. Die Witskrif sit maatreëls uiteen om munisipale finansiële bestuur te verbeter, meer fondse beskikbaar te stel vir onderhoud aan infrastruktuur en betroubare dienste aan inwoners te verseker. Ramaphosa sê raadslede moet gemeenskappe eerste stel en hul verantwoordelikhede met nederigheid nakom.
Ramaphosa vra nuwe raadslede om openbare vertroue in plaaslike regering te herstel