# Public Interest South Africa sê die herhaaldelike versuim van sleutelgetuies om voor die Madlanga-kommissie te verskyn, dikwels weens op-die-nippertjie mediese noodgevalle, is ‘n bron van kommer. Die hoof van die Ondersoekdirektoraat Teen Korrupsie, Andrea Johnson, was veronderstel om gister voor die kommissie te getuig, maar is in die hospitaal opgeneem. Sy is nou een van vele getuies wat kort voor hul verskyning siek geword het. Die belangegroep sê indien omstandighede dit regverdig, moet die kommissie onafhanklike mediese bevestiging laat doen om te verseker dat uitstel geregverdig is en nie die publiek se vertroue ondermyn nie.
Public Interest SA bekommerd oor neiging van Madlanga-kommissie-getuies wat siek word kort voor getuienis